संघिय सरकार द्धारा अर्घाखाँचीका स्थानिय तहमा आगामी बर्ष ३ अर्व बजेट बिनियोजन

अराज बेल्बासे न्युजपाना / संघीय सरकारले आगामी आर्थिक वर्ष २०८१/८२ का लागी जिल्लाका ६ स्थानीय तहका लागि ३ अर्ब ४९ करोड ७ लाख विनियोजन गरेको हो । संघीय सरकारले आगामी आर्थिक वर्ष २०८१/८२ का लागी जिल्लामा वित्तीय समानीकरण अनुदानतर्फ ६७ करोड सःशर्त अनुदानतर्फ २ अर्ब २८ करोड ७७ लाख, बिशेष अनुदान १ करोड ६० लाख र समपुरक अनुदान ३३ करोड ९० लाख विनियोजन गरेको हो । वित्तीय हस्तान्तरण मार्फत अर्घाखाँचीमा सबैभन्दा बढी सन्धिखर्क नगरपालिकाले रकम प्राप्त गरेको छ जसले ६२ करोड रकम प्राप्त गरेको छ । सबैभन्दा कम छत्रदेव गाउँपालिकाले कम रकम प्राप्त गरेको छ उसले ३८ करोड रकम प्राप्त गरेको छ । अन्तरसरकारी बित्तीय हस्तान्तरण अन्तर्गत शितगंगा नगरपालिकाका लागि सरकारले आगामी आवका लागि ६० करोड ४२ लाख विनियोजन गरेको छ ।अन्तरसरकारी बित्तीय हस्तान्तरण अन्तर्गत भुमिकास्थान नगरपालिकाका लागि सरकारले आगामी आवका लागि ४८ करोड ४० लाख विनियोजन गरेको छ ।मालारानी मायादेवी गाउँपालिकाका लागि सरकारले आगामी आवमा ४६ करोड ३८ लाख संघीय सरकारबाट प्राप्त गर्नेछ । यस्तै पाणिनी गाँउपालिकाले आगामी आवका लागि ४९ करोड १६ लाख बजेट विनियोजन गरेको छ ।