अराज बेल्बासे भदौ १६ अर्घाखाँची
अर्घाखाँचीको शितगंगा नगरपालिकाले कार्यपालिका बैठक सम्पन्न गर्दै विभिन्न महत्वपूर्ण निर्णयहरु गरेको छ ।
प्रमुख प्रशासकीय अधिकृत कृष्ण प्रसाद सापकोटाका अनुसार बैठकले आवश्यक कर्मचारी लोकसेवामार्फत माग गर्ने, योजना कार्यान्वयन प्रभावकारी रूपमा सञ्चालन गर्ने, नियमित सार्वजनिक सुनुवाइ गर्ने र कर्मचारी, जनप्रतिनिधि तथा स्थानीयवासीबीच समीक्षा बैठक सञ्चालन गर्ने निर्णय गरेको हो ।
नगरपालिकाले समुदायमा आधारिता सरसफाइ समुदाय जागरण अभियान सञ्चालन गर्ने योजना अघि सारेको छ । यस अन्तर्गत घरआँगन सरसफाइ, सडक सफा टोल गठन, हरेक हप्ता सामूहिक सरसफाइ, विद्यालयसँग सहकार्य, धा सार्वजनिक चौक सफा गर्ने,जस्ता कार्यक्रम सञ्चालन ।
त्यस्तै विद्यालय, बालबालिका र युवाको सक्रिय सहभागिता, सरसफाइसम्बन्धी प्रतियोगिता, उत्कृष्ट टोल र विद्यालयलाई पुरस्कार, नियमित मूल्यांकन र नयाँ योजना निर्माण जस्ता कार्य सञ्चालन गर्ने र सबै लाई सहभागी हुन समेत नगरले अनुरोध गरेको छ ।
