न्यूजपाना , शितगंगा
शितगंगा नगरपालिकामा पालिका स्तरीय दादुरा रुबेला रोग विरुद्धको खोप अभियान संचालनको लागि अभिमुखीकरण तथा योजना तर्जुमा गोष्ठी सप्पन्न भएको छ । स्वास्थ्य शाखा कार्यालय शितगंगाको आयोजनामा पालिकाका जनप्रतिनिधीहरु , स्वयमसेविका , शिक्षक, विभिन्न संघसंस्थाका प्रतिनिधी तथा सन्चारकर्मीहरुलाई अभिमुखीकरण गोष्ठी गरिएको थियो गोष्ठीमा शितगंगा नगरपालिकाका स्वास्थ्य संयोजक दामोदर ढकाल तथा सहसंयोजक लक्ष्मण पौडेलले सहजीकरण गर्नु भएको थियो ।
फागुन १३ गते देखि फागुन १७ गते सम्म शितगंगा नगरपालिकामा ‘दादुरा–रुबेला’ रोगविरुद्धको खोप अभियान सञ्चालन हुने भएको होे ।
खोप अभियान सञ्चालनका लागि पालिकामा आवश्यक तयारी सबै पुरा भइसकेको र ९ महिनादेखि ५ वर्षमुनिका बालबालिकालाई खोप दिने यस अभियानमा पालिकाका ३०५७ जना बालबालिकालाई खोप लगाउने लक्ष्य रहेको छ । नियमित खोप सञ्चालन हुने स्थान, विगतका खोप अभियानमा सञ्चालन गरिएका खोप केन्द्र र स्वास्थ्य संस्थागरी ८८ ओटा वटा खोप केन्द्रबाट खोप प्रदान गरिने स्वास्थ्य शाखा कार्यालय शितगंगाका स्वास्थ्य संयोजक दामोदर ढकालले बताउनु भएको छ ।
खोप लगाएपछि बालबालिकामा आउने स्वास्थ्य समस्या समाधान गर्नका लागी स्वास्थ्यकर्मीहरुको टिम उपचारमा खटिने समेत स्वास्थ्य सहसंयोजक लक्ष्मण पौडेलले जानकारी गाराउनु भएको छ ।
