लुम्बिनीका नवनियुक्त मुख्यमन्त्री चेतनारायण आचार्यले मंगलबार विश्वासको मत लिनु भएको छ । आचार्यले आजको प्रदेश सभा बैठकमा विश्वासको मत लिने कार्यसूची रहेको थियो सोही अनुसार उँहाले बिश्वासको मत प्राप्त गर्नु भएको हो ।
नेकपा एमालेका संसदीय दलका नेता आचार्य नेपाली कांग्रेसको समर्थनमा गत साउन ७ गते मुख्यमन्त्रीमा नियुक्त हुनु भएको थियो ।मुख्यमन्त्रीमा नियुक्त भएको ३० दिनभित्र विश्वासको मत लिने व्यवस्था अनुसार आचार्यले विश्वासको मत लिनु भएको हो । ८७ प्रदेश सभा सदस्य रहेको लुम्बिनीमा बहुमतका लागि ४४ मत आवश्यक हो । आचार्यलाई एमालेका २९ र कांग्रेसका २७ गरी ५६ प्रदेश सभा सदस्यको समर्थन भएको छ।
आचार्यलाई जसपाका २, जसपा नेपालका एक जना र नागरिक उन्मुक्ति पार्टीका ४ सांसद सहित ७० जनाले समर्थन गरेका छन्।मुख्यमन्त्री आचार्यको विपक्षमा माओवादीका १०, नेकपा एकीकृत समाजवादी पार्टी र राष्ट्रिय जनमोर्चाका १/१ गरी 11 जना सांसद विपक्षमा मतदान गरेका छन
।
