विक्रम आचार्य ,शितगंगा
अर्घाखाँची जिल्लाको शितगंगा नगरपालिकाले १५ औं नगरसभामार्फत् शितगंगा नगरपालिकाको आर्थिक वर्ष २०८१र८२ को नीति तथा कार्यक्रम पारित भएको छ । नगरपालिकाको सभाहलमा सुक्रवार भएको नगर सभाले जनताका भावना संग जोडिएका योजना बनाउँदै सम्वृद्ध शितगंगा बनाउने अभिप्रायको नीति कार्यक्रम पारित गरेको हो ।
नगरप्रमुख छविलाल पौडेलले पेश गरेको नीति कार्यक्रममा गुणस्तरिय र दिगो पूर्वाधार पर्यटन विकाशमा जोड दिने, शिक्षा स्वास्थ्य गुणस्तर सुधार गरि उच्च कार्यसम्पादन नतिजा हासिल गर्ने , कृषि क्षेत्रको उत्पादन वृद्धि बजार पहुँच स्थापना गरि कृषकको जीवन स्तर माथि उठाउने , समासेवी सन्तुलित पर्यावरण मैत्री विकाशमा जोड दिने सेवा प्रवाहमा सुधार तथा सुसासन प्रबद्धन गर्न संस्थागत क्षमता विकाशमा जोड दिने , एकिकृत पूर्वाधार र वस्ती विकाशमा जोड दिने मुख्य नीति समेटिएको छ ।
सम्वृद्ध शितगंगा बनाउने उद्देश्य सहित निति तथा कार्यक्रम आपको नगर प्रमुख पौडेलेले बताउनु भयो ।
नीति कार्यक्रमको लक्ष्य सामाजिक विकास रहेको छ भने कृषि, पूर्वाधारको विकास, शिक्षा, स्वास्थ्य, विपद् बयवस्थापनलाई पनि प्राथमिकतामा राखिएको छ । जग राम्रो भए घर बलियो हुन्छ भन्ने मान्यतालाई स्वीकार गरि प्राथामिक तह र प्राथामिक तहमा अध्ययनरत वालवालिकाको सिकाईलाई प्रभावकारी बनाउन पूर्व प्राथामिक तह र प्राथामिक तह सुधार अभियान लगायतका नीति बजेटले समेटेको बताइएको छ ।
अधिवेशनमा सभाका उपाध्यक्ष उपप्रमुख गिता भाटले न्यायिक समितिको प्रतिवेदन सभा समक्ष प्रस्तुत गर्नु भएको थियो भने लेखा समितिका संयोजक रुकेश आलेले महालेखापरीक्षकको कार्यालयले आब २०७९÷८० सम्मको अन्तिम लेखापरीक्षण हुँदा औँल्याइएको नियमित गर्नुपर्ने बेरुजु सम्परीक्षण गर्ने सम्बन्धको प्रतिवेदन समेत पेश गर्नु भयको थियो ।
नीति कार्यक्रममा सदस्य राम प्रसाद भट्टराई ,बिष्णु क्षेत्री,तुल्सिराम घिमिरेले सुझाव पेस गर्नु भएको थियो ।
आर्थिक प्रतिवेदनमा सदस्य केशव बेल्बासेले बेरुजुमा असुल उपर गर्नुपर्ने र नियमित गर्नुपर्ने बेरुजु बारे प्रस्ट जानकारी गराउन प्रस्ताव पेसगर्न सुझाव दिनु भएको थियो ।
सभाको सञ्चालन सभाका सचिव प्रमुख प्रसासकिय अधिकृत अर्जुन शर्माले गर्नु भएको थियो।
दुई दिन सम्म चल्लने सभामा भोली सनिवार आगामि बर्षको बजेट उपमेयर गीता भाटले प्रस्तुत गर्नु हुने छ ।
