न्यूजपाना , शितगंगा
शितगंगा नगरपालिकाको शिक्षा शाखाले आज आधारभूत तह कक्षा ८ को परिक्षाफल प्रकाशन गरेको हो। यस बर्ष शितगंगा नगरपालिकामा ७५९ जनाले कक्षा ८ को परिक्षामा सहभागिता जनाएको शिक्षा शाखा प्रमुख बिनोद पोख्रेलले जानकारी दिनु भएको छ। परिक्षामा सहभागी मध्ये ६०७ जना उत्तिर्ण भएका छन भने १५२ जना भने अनुत्तिण भएको शिक्षा शाखा प्रमुख पोख्रेलले जानकारी दिनु भयो। यस बर्ष सुधा माबि जुकेनाबाट सबै भन्दा बढी ५२ जनाले परिक्षामा सहभागी भएका थिए भने सबै भन्दा कम सस्थागत बिद्यालय तर्फ ग्रिन स्टार बोर्डिङस्कुलबाट १२ जना सहभागी भएका थिए। बिद्यार्थीहरुले आफ्नो जिपिय सहितको नतिजा भने केही दिनमा बिद्यालयबाट प्राप्त गर्न सक्ने शितगंगा नगरपालिकाको शिक्षा शाखाले जनाएको छ ।
