न्युजपाना, शितगंगा
शितगंगा नगरपालिकामा तीज पर्वको अवसरमा तीज गीत प्रतियोगिता हुने भएको छ । शितगंगा नगरपालिकाको सहयोग तथा न्युज पाना मिडिया प्रालिको सहकार्यमा आगामी भाद्र १६ गते, आइतबार शितगंगा नगरपालिकाको प्राङ्गणमा हुनेछ।
प्रतियोगितामा सहभागी हुन इच्छुक समूहहरूले बढिमा ९ जना सदस्यीय टोलीमा सहभागी हुन पाउनेछन्। प्रत्येक समूहले ८ मिनेटको अवधिमा आफ्नो प्रस्तुति दिनुपर्नेछ। प्रतियोगितामा भाग लिनको लागि अन्तिम मिति २०८१ भाद्र १४ गतेसम्म तोकिएको छ।
नगरपालिकाले यस प्रतियोगितालाई सामाजिक र सांस्कृतिक संरक्षणको अभिप्रायले आयोजना गरेको हो। प्रतियोगितामा उत्कृष्ट प्रदर्शन गर्ने समूहलाई आकर्षक नगद पुरस्कार सहित सम्मान गरिनेछ। प्रथम पुरस्कार रु। ३०,०००, द्वितीय पुरस्कार रु। २५,०००, तृतीय पुरस्कार रु। १५,००० र सान्त्वना पुरस्कार रु। १०,००० नगद राखिएको छ।
प्रतियोगिताका निर्णयहरू आयोजक समितिको अन्तिम हुनेछन्। शितगंगा नगरपालिकाले यस प्रकारको प्रतियोगिताबाट स्थानिय तहमा सांस्कृतिक गतिविधिलाई प्रोत्साहन र संरक्षण गर्न सकिने विश्वास लिएको छ।
प्रतियोगिताको थप जानकारीको लागि नगरपालिकाको कार्यालयमा सम्पर्क गर्न सकिने जनाइएको छ।
