नेपालको प्रसिद्ध डिजिटल वालेट सेवा ईसेवा अब पुनः गुगल प्ले स्टोरमा उपलब्ध भएको छ। केही दिन देखी प्ले स्टोरमा अनुपलब्ध रहेको ईसेवाले व्यवसायिक भेरिफिकेसन समस्यासँग सम्बन्धित चुनौतिहरूलाई समाधान गरी एप पुनः अपलोड गरेको हो।
प्रयोगकर्ताले अब सहजै आफ्नो एन्ड्रोइड मोबाइलमा ईसेवाको एप डाउनलोड गर्न र प्रयोग गर्न सक्नेछन्। कम्पनीका अनुसार, ग्राहकको पैसा सुरक्षित छ र पूर्ववत् सेवाहरू यथावत् चलिरहेको छ।गुगल प्ले स्टोरबाट ईसेवाको एप अस्थायी रूपमा गायब भएको थियो, जसको कारण बिजनेस भेरिफिकेसनमा गडबडी भएको हो।
नाम परिवर्तन र डुन्स नम्बर अपडेटको समस्याले गर्दा गुगलले एप हटाएको थियो। अब, समस्या समाधान भइसकेको छ र ईसेवाको एप पुनः प्ले स्टोरमा उपलब्ध भएको छ। ग्राहकहरूको पैसा सुरक्षित छ र एपका सेवाहरू यथावत् जारी छन्।
