न्यूजपाना, शितगंगा
शितगंगा नगरपालिकामा अपाङ्गता समावेशी विकास र अपाङ्गता परिचय पत्र निर्देशिका र अपाङ्गता सम्बन्धि अन्य कानुनी प्रावधानहरुको विषयमा स्थानिय सरकारका प्रतिनिधिहरु सँग अभिमुखिकरण कार्यक्रम सम्पन्न भएको छ ।
महिला बालबालिका तथा जेष्ठनागरिक मन्त्रालयको सहयोग राष्ट्रिय अपाङ्ग महासंघको आयोजना तथा देउराली अपाङ्गता उत्थान समाजको साझेदारीमा कमर्यक्रम सम्पन्न भएको हो । कार्यक्रममा राष्ट्रिय अपाङ्ग महासंघ प्रदेश अध्यक्ष हुमनाथ अधिकारीले अपांङ्गता भएका ब्यतिको समान सहभागीता ,आदार स्वभिमान, समाबेसी सञ्चार ,अवरोधपुर्ण वातावरण,अर्थपूर्ण सहभागिता अपाङ्गता प्रति ३ तहको सरकारको दायित्व लगायतका बिषयमा प्रस्तुतिकरण गर्नु भएको थियो ।
कार्यक्रममा बोल्दै प्रमुख प्रशासकीय अघिकृत अर्जुन शर्माले अपांगता भएका ब्यतिहरुको समानता मात्र नभइ समताको तरिकाले समान सहभागिता गराउन पर्ने बताउनु भयो । भवन निर्माण तथा नगरका खेलकुद जस्ता कृयाकलापमा समेत सहभागी गराउन सकिने गरि आगामी दिनमा अघि बड्ने बताउनु भयो । आधारभुत सेवामा थप सेवा दिन सक्ने गरि भौतिक निर्माण तथा नीति बनाउदा समेत समाबेस गर्न सक्नु पर्ने बताउनु भयो । बहु सरोकारवालाको भुमिकाबिहिन अपांगता भएका ब्यक्तिको बिकास हुन नसक्ने प्रमुख प्रशासकीय अधिकृत शर्माले बताउनु भयो ।
यस्तै नगर प्रमुख छबिलाल पौडेलले अपांगता भएका ब्यतिको सधै नगरपालिका साथमा रहेको बताउनु भयो । अपाङगता भएका ब्यतिलाइ सहभागि गराउने गरि उद्धमशिलताको कार्यक्रम अवको नीति कार्यक्रममा समावेस गरेर आत्मनिर्भर गराउने गरि काम गर्ने बताउनु भयो ।
यस्तै उपमेयर गीता भाटले अपांगता भएका ब्यतिको लागि कस्ता कार्यक्रम गर्दा प्रभावकारी हुन्छ अहिले नै सुझाव दिएर नँया नीति कार्यक्रममा समावेस गर्न सकिने बताउनु भयो । संविधान र कानुनले दिएका अधिकार बाट कोहि बन्चित हुन नहुने भाटले बताउनु भयो । कार्यक्रममा अपांग महासंघ प्रदेश अध्यक्ष हुमनाथ अधिकारी तथा राष्ट्रिय अपांग महासंघका अनुसासन समिति अध्यक्ष देवि बहादुर पोख्रेलले सहजिकरण गर्नु भएको थियो ।
साथै नगरपालिकाले अपांगता भएका ब्यतिको अधिकारका ऐन निर्माणका लागि अपाङ्गता भएका विभिन्न ब्यति ,शिक्षक लगायतसँग अभिमुखीकरण कार्यक्रम समेत सम्पन्न गरेको देउराली अपाङ्ग उत्थान समाजका अध्यक्ष तारापती क्षेत्रीले बताउनु भयो । कार्यक्रममा विभिन्न वडाका वडा अध्यक्ष ,विभिन्न शाखाका शाखा प्रमुख ,शिक्षक लगायतको उपस्थिति रहेको थियो ।
