नयाँ टावर थप गर्न स्थलगत अनुगमन

नेपाल टेलिकम अर्घाखाँचीका कार्यलय प्रमुख गोबिन्द पराजुली सहित शितगंगा नगरपालिका वडा नम्बर ३ का वडा अध्यक्षले नेपाल टेलिकमको टावर उपलब्ध नभएको स्थानमा अवलोकन गर्नु भएको छ । वडा नम्बर ३ को कोल ,पखेरे, टाकुरा ,माथिल्लो पदमे लगायतका स्थानमा नेटर्वकको समस्या स्थानियले झेली रहेका छन । वडा अध्यक्ष चिन्ताराज अधिकारीले नयाँ टावर निमार्णको लागि सो क्षेत्रको अनुगमन गर्न कार्यलय प्रमुखलाई अनुरोध गरे पछि कार्यलयको टोलीले स्थलगत अनुगमन गरेको हो । नयाँ टावर थप गरेको सो स्थानका जनता लाभाम्बित हुने अधिकारीले बताउनु भयो । अहिलेको अबस्थामा समेत नगरपालिका नजिकै नेटर्वक समस्या हुनु दुखत रहेकोले नयाँ टावर थप हुनेमा आसावादी रहेको वडा अध्यक्ष अधिकारी बताउनु भयो ।