शितगंगा नगरपालिका, १५ बैशाख — शितगंगा नगरपालिकाका युवाहरुले मेयर कप तथा उपमेयर कप क्रिकेट प्रतियोगिता यथाशीघ्र सञ्चालन गर्न र युवा लक्षित बजेट अन्य कार्यमा रकमान्तर नगर्न आग्रह गर्दै सोमबार नगरपालिकामा ज्ञापन पत्र बुझाएका छन्।
ज्ञापन पत्र बुझ्दै उपमेयर गीता भाटले युवाहरुको मागप्रति सकारात्मक दृष्टिकोण राखिएको बताउनु भयो । साथै, युवाहरुको चाहना अनुसार मेयर उपमेयर कप प्रतियोगिता छिट्टै सञ्चालन हुने आश्वासन समेत दिनु भयो ।
नगरपालिकाले युवा लक्षित बजेटलाई प्राथमिकतामा राख्दै खेलकुद गतिविधिहरूलाई निरन्तरता दिने प्रतिबद्धता व्यक्त गर्दै । “युवाको चाहना अनुसार नै कार्यक्रम अगाडि बढाइनेछ, तपाईंहरु ढुक्क हुनुहोस्,” नगर उपमेयर भाटले बताउनु भयो ।
ज्ञापन पत्र सहित पुगेका युवाहरुलाइ वडा अध्यक्ष भिम केसीले गत बर्ष बाध्यताले बजेट रकामान्तर गर्न परेको तर यस बर्ष बिनियोजित बजेटबाट ख्ल सञ्चालन हुनेमा ढुक्क हुन अनुरोध गर्नु भयो । जनप्रतिनिधिहरु खेलकुद र खेलप्रेमीका माग प्रति सकारात्मक रहने बताउनु भयो ।
शितगंगा नगरपालिकाका विभिन्न वडाका युवाहरु सुरज परियारको नेत्तृत्वमा नगरपालिकामा ख्ल सञ्चालन गर्न माग गर्दै ज्ञापन पत्र पेस गरेकन हुन । यश अघि नगर प्रमुख तथा प्रमुख प्रशासकीय अधिकृत सँग समेत छलफल भइ सकेको संयोजक सुरज परियारले बताउनु भयो ।
