जेठ १ न्युजपाना
शितगंगा नगरपालिकाको शिक्षा शाखाको बार्षिक क्यालेण्डर बिमोचन गरिएको छ । शाखाले बार्षिक योजना सहितको बार्षिक क्यालेण्डर एक कार्यक्रमका बिच बिमोचन गरेको हो । २०८१ सालमा बिद्यालयमा हुने गतिबिधी ,बार्षिक रुपमा गरिने क्रियाकलाल बिद्यालय खुल्ने दिन ,पढाइ हुने दिन देखि बार्षिक रुपमा हुने शौक्षिक गतिबिधी क्यालेण्डरमा समाबेस गरिएको छ । एकीकृत पाठ्यक्रम सम्बन्धी कस्टमाइज्ड २ दिने तालिमको अबसरमा नगरपालिकाका अधिकांश बिद्यालयका शिक्षक प्रतिनिधीको उपस्थितमा क्यालेण्डर बिमोचन गरिएको शिक्षा शाखा प्रमुख बिनोद पोख्रेलले जानकारी दिनु भयो । कार्यक्रममा बोल्दै प्रमुख अतिथी नगरप्रमुख छबिलाल पौडेलले क्यालेण्डरमा गरिएको योजना अनुसार कार्य सम्पादन गर्न शाखालाई अनुरोध गर्नु भयो । गत बर्षहरुमा बिभिन्न बिद्यालयमा फरक फरक दिनमा बिद्यालय बिदा जस्ता समस्या देखिएकोले अब क्यालेण्डर अनुसार गतिबिधी हुनेमा आशाबादी रहेको बताउनु भयो ।
